Fiks Fare/ “Fajin e ka sistemi”, si u lanë jashtë rindërtimit 60 familje në Vorë!
13/01 20:45
A shikoni mirë? Për të marr përgjigjen e saktë, ju vjen në ndihmë klinika më e re e syve, “See well”.
Nga sot shqiptarët kanë të hapura dyert e klinikës “See well” drejt mundësive të shumta për shikim të qartë.
“Erikoglu Investment Holding me qendër në Turqi, një nga kompanitë më të mëdha në rang kombëtar në Turqi, të cilët përveç këtij investimi në Shqipëri, prej vitesh ata janë edhe investitorë në SHBA. Dhe e them pa ekzagjerim që është një nga kompanitë më serioze që ka investuar në vendin tonë. Nuk është kursyer tek investimi në teknologji. Absolutisht kemi skanerin e fundit që është vetëm për syrin dhe të gjitha pajisjet e tjera që duhen për një ekzaminim sa më të saktë. E vendosur kjo teknologji në duart e mjekëve të duhur, patjetër kjo sjell një sukses”, ka thënë Dr. Rubin Topi, Co-Founder ‘See Well’.
“Pacientët duhet të vijnë te ‘See well’ sepse ne kemi një staf të kualifikuar, të përgatitur dhe shumë të përgjegjshëm për tiu ofruar shërbimin maksimal”, shprehet Nora Burda, mjeke okuliste.
Një ndër risitë që sjell klinika e syve “See well” në Shqipëri është vizita pa orar. Ju mjafton të paraqiteni dhe do të gjeni gjithmonë mjekët në dispozicion. E gjithashtu, See well falë investitorëve turk, kujdesin për sytë tuaj e mundëson edhe me paketat turistike në Turqi. Ndërkohë që mjekët më të mirë turk do të jetojnë në Shqipëri për t’u kujdesur për ju.
“Këtu mund të bëjmë të gjitha ekzaminimet e syrit, por oferta më e mirë për pacientët është ‘paketa turistike’ në lidhje me ndërhyrjet kirurgjikale I marrim ata në Derizli dhe në Stamboll. Mendojmë se për një vit do ta realizojmë edhe në Tiranë”, tha Dr. Haldun Yilmaz.
Por ky është vetëm fillimi. Në të ardhmen, veç pikave të tjera “See well” që do të shtohen në Shqipëri, një hapësire në përmasat e spitalit do t’i kushtohet shëndetit të syve.
“Ne pamë në Shqipëri shumë potencial dhe gjithashtu mungesë aparaturash ndaj hapëm një klinikë të vogël sysh ku mund të marrësh të gjitha llojet e trajtimeve , por më vonë ne duam të rritemi me një Spital Sysh dhe Klinikë Estetike për fytyrën. Jemi të lumtur që ndodhemi këtu” shprehet Onur Erikoglu.
Top Channel
