Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Ernesto Valverde, trajner i Barcelonës, doli në konferencë për shtyp para ndeshjes me Getafen, të cilën e cilëson si një kundërshtar shumë të vështirë.
“Vitin e kaluar kemi vuajtur shumë kundër tyre, pavarësisht se zhvilluam një ndeshje shumë të mirë. Është një skuadër që të lë shumë pak hapësira”- tha Valverde.
Sigurisht që tema më e rëndësishme ka të bëjë me gjendjen e Lionel Messit, me trajnerin që nuk di të japë një datë të saktë për rikthimin e tij.
“Nuk e di për sa kohë do të qëndrojë jashtë, por ne shpresojmë që të kthehet sa më parë. Gjithsesi, dëmtimi nuk është i rëndë, bëhet fjalë për një zgjatim të vogël dhe në javën e ardhshme do ta vlerësojmë më mirë. Do të na mungojë një lojtar vendimtar, por kemi burime të tjera për ta minimizuar efektin e mungesës së tij.”- shtoi trajneri i Barcelonës.
Messi me siguri do të mungojë edhe në takimin e Championsit kundër Interit. Një lajm shumë i mirë ky për zikaltrit, që do të tentojnë të marrin pikë në “Camp Nou” pas barazimit me Slavian e Pragës në “San Siro”.
Top Channel
