Marku: Të niset vlerësimi ligjor për njoftimet e rreme që përhapën panik
23/09/2019 18:52
U qëllua mbrëmë me një plumb në kokë, ndërron jetë 52-vjeçari në Tiranë 14/11 08:02
Prokurorja e Përgjithshme, Arta Marku ka kërkuar nga Prokuroria pranë Gjykatës së Shkallës së Parë Tiranë, vlerësimin e menjëhershëm ligjor në lidhje me dyshime për përhapjen në publik të informatave/njoftimeve të rreme që ngjallin panik dhe pasiguri tek qytetarët, nisur nga rasti i lajmit të rremë që shpërndau portali “Syri.net” për tërmetin.
NJOFTIM PËR MEDIA
Prokurorja e Përgjithshme znj. Arta Marku kërkoi nga Pokuroria pranë Gjykatës së Shkallës së Parë Tiranë, vlerësimin e menjëhershëm ligjor në lidhje me dyshime për përhapjen në publik të informatave/njoftimeve të rreme që ngjallin panik dhe pasiguri tek qytetarët.
Në mbështetje të neneve 38 dhe 50/1 të Ligjit nr.97/2016 ”Për Organizimin dhe Funksionimin e Prokurorisë në Republikën e Shqipërisë”, pa cënuar sekretin hetimor Prokurorja e Përgjithshme znj. Arta Marku kërkoi gjithashtu informacion në lidhje me mënyrën e trajtimit të materialit.
Zyra e Shtypit pranë Prokurorit të Përgjithshëm
Top Channel
