Merkel thyen heshtjen dhe rrëfen raportet me Trump e Putin: Shijon testimin e kufijve të të tjerëve, pozitat… 23/11 21:01
Jo Johnson, vëllai më i vogël i kryeministrit Boris Johnson, dha dorëheqjen si deputet dhe Ministër, duke cituar “tensionin e papërballueshëm” në rolin e tij.
Z. Johnson votoi Remain në referendumin e anëtarësimit në BE 2016, ndërsa vëllai i tij bashkë-drejtoi fushatën Leave.
Ai ka dhënë dorëheqje vitin e kaluar, në shenjë proteste ndaj marrëveshjes për Brexit të arritur mes ish-kryeministres britanike, Theresa May dhe BE-së.
Mirëpo ai i është kthyer qeverisë këtë verë, pasi Partia Konservatore ka emëruar vëllain e tij si lider.
Lajmin për largimin e tij vjen pasi ligjvënësit britanikë kanë miratuar një ditë më parë projektligjin që parandalon largimin e Britanisë nga Bashkimi Evropian pa marrëveshje, çka mund të nxisë kryeministrin britanik, Boris Johnson që të thërrasë zgjedhje të përgjithshme.
Ky projektligj kërkon nga kryeministri që të kërkojë shtyrje të Brexitit përtej 31 tetorit, nëse nuk arrihet një marrëveshje me BE-në.
Kryeministri britanik synon të largojë Britaninë nga blloku evropian me 28 anëtarë, më 31 tetor të këtij viti, edhe nëse nuk ka marrëveshje për largim.
Kritikët kanë thënë se largimi i Britanisë nga BE-ja pa marrëveshje mund të ketë pasoja të jashtëzakonshme për këtë shtet.
Vendimi për largim të Britanisë nga blloku evropian ka ardhur pasi 52 për qind e votuesve kanë votuar për dalje të Britanisë nga BE-ja kundruall 48 për qind që kanë kundërshtuar atë, në referendumin e mbajtur më 2016.
Top Channel
