Emri/ Meta gjen “Maqo Lakrorin” e tij që do ta “rivalizojë” për President në Konventën e 27 prillit 24/04 14:34
Një sasi tritoli ka shpërthyer mbrëmë në derën e banesës së Vendim Demajt, nënkryetar i bashkisë së Kamzës.
Në një prononcim për gazetarin e Top Channel, Andi Bora, zyrtari demokrat tha se nuk ka asnjë konflikt, përveç konfliktit politik me Qeverinë.
“Sipas telefonatave të komshinjve, ka qenë ora 23:30 (shpërthimi). Fatmirësisht as unë dhe as komshiu nuk kemi qenë në banesë, por me pushime. Janë thyer të gjitha xhamat e 5 kateve dhe janë shkatërruar dyert. Unë jam në konflikt të vazhdueshëm me qeverinë e këtij fashisti, Edi Rama, dhe cubat e Lleshajt. Asnjë konflikt nuk kam patur në 40 vite. I vetmi konflikt është me ‘Llesh kimikun’ dhe Edvin Ramën”, tha Demaj.
Ai tregoi se do të paraqitet në polici për të vijuar me procedurat, si dhe theksoi sërish se nuk ka asnjë konflikt personal.
Ndërkohë, edhe Policia e Tiranës ka reaguar për ngjarjen, por ndryshe nga Demaj, uniformat blu thonë se tritoli është vendosur në derën e komshiut, shtetasit Paulin Gjegjaj.
“Më datë 04.08.2019, rreth orës 23.30, tek kthesa Kamzës në katin e tretë të një pallati, në pjesën e derës së banesës së marrë me qera nga shtetasi P.Gj, ka shpërthyer një sasi e vogël lënde e dyshuar plasëse, ku në momentin e shpërthimit brenda në banesë nuk ka pasur njeri dhe si pasoje ka vetëm dëme materiale, thuhet në deklaratën e policisë.
Shpërthimi në Kamëz, Paulin Gjegjaj mohon të ketë konflikte
Tritol shtëpisë së nënkryetarit të Kamzës, PD akuza policisë: Po fsheh ngjarjen
Top Channel
