Mjekësia popullore /Pasioni i 70-vjeçarit Demokrat Keli
05/08/2019 12:23
Me flamujt kuq e zi në duar/ Mijëra shqiptarë presin Ramën në takimin me diasporën 24/11 12:31
Demokrat Keli njeh pothuajse çdo pëllëmbë tokë në pyjet rreth Beratit. 70 vjeçari është mjek popullor dhe del të mbledhë bimët medicinale që i duhen. Ai thotë se bimët i mbledh vetë në malin e Shpiragut dhe Tomorrit
Demokrati e di se kur është koha e duhur për t’i mbledhur pa dëmtuar natyrën dhe di anët e mira dhe të këqija në përdorimin e secilës prej tyre.
Papunësia në fillimet e tranzicionit e nxiti Demokratin të kthente në biznes traditën familjare të qetësimit të dhimbjeve me çaj bimor. Sot i tregton këto bimë me licencë në një kënd në shëtitoren e Beratit.
Mjeku popullor thotë se i pëlqente pylli që i vogël dhe se këtë biznes nuk e bën për të fituar para, por për të ndihmuar njerëzit
“Natyra shëron,- thotë Demokrati,- por mjeku kuron”, ndaj derisa të ketë jetë ai do ta përdorë pasionin e tij për të qetësuar vuajtjet e njerëzve.
Top Channel
