“Ndëshkimi” arreston edhe 11 persona të tjerë në Krujë

Në vijim të dy operacioneve të tjera të koduara “Ndëshkimi 1 dhe 2”, nga ku u andaluan 16 persona, policia e Krujës bën me dije se kanë vijuar me operacionet e “Ndeshkimi 3” dhe “Ndeshkimi 4”, duke arrestuar orët e fundit 11 persona.

Konkretisht në në funksion të procedimit penal të vitit 2019, u bë ekzekutimi i masave të sigurisë “Arrest me burg” për veprën penale “Kultivim i bimëve narkotike”, kryer në bashkëpunim, për shtetasit ;

A.K., 56 vjeç, banues në fshatin Picrrage, Krujë.
F. K., 52 vjeç, banues në fshatin Brret, Krujë.
G. K., 49 vjeç, banues në fshatin Picrrage, Kruje.
J. K., 24 vjeç, banues në Krujë,
K. K., 30 vjeç, banues në Krujë.

Gjithashtu u bë ndalimi me iniciativë për veprën penale “Kultivim i bimëve narkotike”, i shtetasit A. K., 45 vjeç, banues në Mafsheq, Krujë.

Nga teresia e veprimeve hetimore e proceduriale, ka rezultuar se këta shtetas , në bashkëpunim me njeri- tjetrin kanë kultivuar bimë narkotike Canabis Sativa ne zonën e pyllëzuar të fshatit Brret, Mal Brret dhe Picrrage të rrethit Krujë,e cila është asgjesuar në periudha të ndryshme.

Po gjatë orëve të fundit është finalizuar një tjetër operacion i koduar “Ndëshkimi 4”, ku pas nje hetimi 3 mujor me Metoda Speciale Hetimi, ne funksion te procedimit penal te vitit 2019 u bë ekzekutimi i masave te sigurisë “Arrest me burg” për veprën penale të “Kultivimi i bimëve narkotike”, kryer ne bashkëpunim, për shtetasit ;

F. D., 23 vjeç, banues në Fshatin Borizane, Krujë
S. D. 20 vjeç, banues në Borizane, Krujë.
K. T, 22 vjeç , banues në Lac te rrethit Kurbin.

Dhe u bë shpallja në kerkim e shtetasit A. D. 27 vjeç, banues në fshatin Borizanë, Krujë.

Nga tërësia e veprimeve hetimore e proceduriale, ka rezultuar se këta shtetas në bashkëpunim me njeri-tjetrin kanë kultivuar bimë narkotike në zonen e pyllëzuar të fshatit Borizanë, Krujë, në periudha të ndryshme, të cilat janë asgjesuar nga Policia.

Gjithashtu po në vijim të operacionit “Ndëshkimi 4”, u bë arrestimi në flagrancë i shtetasve B.U., 50 vjeç, dhe S.U., 20 vjeç, banues në Nikël, Krujë, pasi nga kontrolli i ushtruar në banesën e tyre, u janë gjetur fidanë të dyshuar narkotikë canabis sattiva, si dhe një sasi lënde narkotike e cila u sekuestrua në cilësinë e provës materiale.

Në cilësinë e provës materiale u sekuestruan dhe 14 aparatë celularë dhe 1 automjet.

Vazhdon puna për dokumentimin ligjor të kesaj veprimtarie kriminale.

Materialet do ti kalojnë Prokurorisë së Rrethit Gjyqesor Krujë për veprën penale të “Kultivimit te bimëve narkotike”, kryer në bashkëpunim .

Top Channel