Busti i firmëtarit gjirokastrit të pavarësisë, patriotit Elmaz Boce, është ende i papërfunduar 7 vjet pas nisjes së tij.
Anëtarët e forumit patriotik “Djemtë e Gjirokastrës” kanë risjellë në vëmendje kërkesën e tyre drejtuar Ministrisë së Kulturës, 7 vjet më parë, në 100 vjetorin e pavarësisë, kohë kur skulptori gjirokastrit Stefan Papamihali nisi dhe punën për ngritjen e bustit, që u ndërpre vetëm pak muaj më vonë në tetor 2012 për mungesë fondesh nga ministria.
Sot, boceti i papërfunduar dhe i paderdhur në bronx i firmëtarit të aktit të pavarësisë Elmaz Boce, ndodhet ende në studion e punës së skulptorit, që u nda nga jeta dy vite më parë.
Situata e monumenteve, banesave apo memorialeve të rilindasve dhe patriotëve shqiptarë është në gjendje kritike në të gjithë jugun ndërsa shumë emra përfshi edhe atë të Elmas Boces janë pothuajse të harruar.
Top Channel
