Inside Story/ “Nëse u jep të tjerëve para meje do ta kesh punën keq”, si kërcënohet ish-zyrtari në ‘kryeqendrën’ e fajdeve 24/04 21:56
Caleb Ewan shkëlqeu sërish në Turin e Francës. Çiklisti australian fitoi etapën e 16 të këtij kompeticioni 177 km e gjatë, e mbajtur në Nim, një fitore që është e dyta për të në këtë edicion të Grande Boucle.
Etapa u zhvillua në kushtet e një moti të nxehtë me Ewan që e kaloi i pari vijën e finishit pas sprintit final me kohën 3 orë 57 minuta e 8 sekonda, duke lënë në vendin e dytë dhe të tretë Elia Vivianin e holandezin Groenewegen ,të dy me të njëjtën kohë me Ewan.
Kampioni në fuqi i Turit të Francës, Geraint Thomas pati probleme gjatë kësaj etape teksa u rrëzua në tokë gjatë një kthese, një rrëzim ky që nuk pati pasoja të rënda për të duke qenë se Thomas u negrit menjëherë për të vijuar garimin.
Pas etapës së 16, Renditja e përgjithshme e Turit të Francës vazhdon të kryesohet nga Julian Alaphillipe, i ndjekur në vendin e dytë nga Thomas me 1 minutë e 35 sekonda më shumë, ndërsa në të tretin është Steven Kruijswijk.
Top Channel
