Roma “troket” për Suson, drejtuesit e Milanit befasojnë me kërkesën
20/07/2019 11:04
Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Drejtuesit e Milanit dhe Romës janë takuar mbrëmjen e djeshme për të diskutuar për mundësitë e transferimit të fantazistit Suso te klubi kryeqytetas. Spanjolli ka një klauzolë largimi prej 40 milionë eurosh, por verdhekuqtë shpresojnë që Milani të ulë pretendimet dhe ta marrin për rreth 30 milionë euro.
Megjithatë takimi i parë zyrtar nuk ka rezultuar i tillë, pasi drejtuesit e klubit kuqezi kanë bërë të qartë se janë gati të heqin dorë nga Suso, në rast se marrin në këmbim talentin Nicolo Zaniolo, që gjithashtu vlerësohet rreth 40 milionë euro.
Përgjigja e drejtuesve të Romës ka qenë negative dhe e prerë, ndërsa kanë ofruar në shkëmbim vetëm çekun Patrick Schick, ose në të kundërt, të paguajnë një shifër prej 30 milionë eurosh.
Në ditët në vijim palët pritet të ulen sërish në tryezë, për të negociuar këtë transferim, por fillimisht duhet të që Giampaolo të testojë Suson në rolin e fantazistit, para se të japë lejen për largim.
Top Channel
