I shkatërrojnë makinën dhe më pas e kërcënojnë: Tërhiq kallëzimin ose të vramë
17/07/2019 10:12
Organizonin baste sportive online, arrestohen 6 persona në Tiranë 24/11 09:43
Policia e Mirditës ka arrestuar 3 persona, të shpallur në kërkim për disa vepra penale. Në pranga kanë rënë shtetasit K.B., 24 vjeç;Gj.B., 24 vjeç dhe D.P., 20 vjeç, banues në Mirditë.
Këta shtetas në bashkëpunim me njeri-tjetrin, në datën 4 korrik 2019, në qytetin e Rrëshenit, për motive të dobëta, kanë goditur me sende të forta shtetasin Gj.K., 43-vjeç, banues në Rrëshen, Mirditë, duke i shkaktuar dëmtime fizike.
Gjithashtu, po në këtë datë kanë dëmtuar me dashje një automjet në përdorim nga shtetasi K.D., 31 vjeç, banues në Rrëshen, Mirditë dhe disa ditë më pas e kanë kërcënuar në telefon me jetë, për të tërhequr kallëzimin e bërë ndaj tyre.
Materialet janë referuar në Prokurorinë Lezhë për veprat penale në ngarkim të tyre “Plagosja e lehtë me dashje”, “Shkatërrimi i pronës me dashje” dhe “Kanosja për të mos kallëzuar”.
Top Channel
