Bulevardi i ri në Kashar/Shkatërrohen disa banesa pranë Unazës së Re
15/07/2019 20:24
Kanada, Kryeministri Trudeau dënon protestat e dhunshme në Montreal 24/11 08:18
Për të përfunduar Bulevardin e Kasharit që do të lidhet me Unazën e Re do të duhet të shemben 16 shtëpi. Siç e shikoni ka nisur procesi i shembjes së shtëpive, ku deri më tani janë prishur 6 prej tyre.
Zgjerimi i rrugës shihet i nevojshëm për rreth 80 mijë banorët që jetojnë në këtë zonë si dhe për të reduktuar trafikun e rënduar. Ndërsa fati i 16 familjeve që shtëpitë i kanë në mes të bulevardit nuk do të vijojë të jetë në Kashar. Në dakordësi me Bashkinë e Tiranës, banorët që ishin në proces legalizimi, por janë shkualifikuar, do të strehohen në banesa sociale ose do t’u ofrohet bonis qiraje, kurse për banesat e legalizuara familjarët do të dëmshpërblehen.
Forca të shumta të policisë i janë bashkuar Inspektoratit Kombëtar të Mbrojtjes së Territorit, edhe pse nuk ka pasur konflikte mes tyre dhe banorëve.
Bulevardi i Kasharit është drejt përfundimit dhe do të ketë dy korsi për çdo kah lëvizjeje; si dhe korsi biçikletash e trotuare për këmbësorët.
Top Channel
