Akuzohet për spiunazh në favor të Rusisë dhe Iranit, arrestohet punonjësi i ambasadës amerikane në Oslo 22/11 22:38
Presidenti rus Vladimir Putin i bëri telefonatën e tij të parë presidentit e ri të Ukrainës një ditë më parë dhe diskutimet u përqendruan në konfliktin në Ukrainën lindore që ka shkaktuar marrëdhënie të “hidhura” midis dy vendeve.
Zëdhënësi i Putinit, Dmitri Peskov tha se Putin dhe presidenti i Ukrainës Volodimir Zelenskiy gjithashtu biseduan për lirimin e të burgosurve ukrainas. Ai tha se ata u pajtuan që ekspertë nga të dy vendet do të punonin në zgjidhjen e kësaj çështjeje.
Peskov shtoi se të dy diskutuan mundësinë e “kontakteve të vazhdueshme në formatin Normandisë”, i përbërë nga një diplomatik i përfaqësuesve të lartë të katër vendeve (Gjermania, Rusia, Ukraina dhe Franca) për të zgjidhur luftën në Ukraina Lindore. Ata u takuan për herë të parë në vitin 2014, në kuadër të 70 vjetorit të uljes së aleatëve në Normandi, por bisedimet janë bllokuar që nga viti 2016.
Zyra e Zelenskiy tha se udhëheqësi ukrainas i kërkoi Rusisë të lirojë marinarët e marinës ukrainase, të cilën Rusia e kapi së bashku me ekuipazhet e tyre në një incident në nëntor të 2018 në Detin e Zi.
Zelenskiy, një komedian popullor mjaft i njohur në Ukrainë, fitoi 73 për qind të votave në balotazhin e prillit kundër ish-presidentit Petro Poroshenko.
Më herët, Zelenskiy sugjeroi që ai dhe Putini të takohen në Minsk të Bjellorusisë për të diskutuar konfliktin në lindjen e Ukrainës dhe aneksimin e Krimesë nga Rusia në vitin 2014. Ai shtoi se do të donte që udhëheqësit e Shteteve të Bashkuara, Britanisë, Francës dhe Gjermanisë të bashkohen me bisedimet.
I pyetur për propozimin e Zelenskiy të enjten më herët, Putin u tha gazetarëve se ai është i hapur për bisedime me udhëheqësin e ri ukrainas.
Top Channel
