Në vendin ku vrasësi kishte pritur Xhindin, grupi hetimor kishte siguruar dy prova mjaft të rëndësishme, një bisht cigareje dhe një pako me aspirina. Por, nga materiali bilogjik i atyre provave nuk u zbulua vrasësi.
Kjo ngre pikpyetje të forta për veprimet e laboratorit të kriminalistikës.
“Bishti cigares së gjetur në vendin ku mendohet të ketë qenë autori, dhe ishte vend i pashkelur dhe vetëm ai mund të kishte shkelur se nuk kalonte njeri këtu, gjithë këto prova dhe asgjë”, tregon Ilir Xhindi, vëllai i Fatmir Xhindit.
“Ata që kanë qenë drejtues të policisë në atë periudhë, që sot janë funksionarë politikë duhet të dinë më shumë se sa unë, përfshirë edhe Bashën, Nishanin, dy ministrat e brendshëm të periudhës”, tha Erjon Braçe, zv.kryeministër.
Ne, kërkuam prononcim për ngjarjen nga drejtuesit e Policisë së SHtetit të kohës, por si ish-drejtori i përgjithshëm Ahmet Premçi, si dhe ai i Fierit refuzuan. Arsyet e refuzimit nuk na u shpjeguan, por gjatë kontaktit që patëm, ata nuk kishin dëshirë të hapnin këtë vrasje të pazbardhur.
Mbrëmjen e krimit dhe ditët në vijim, u shoqëruan plot 100 persona për tu marë në pyetje. Mes personave të shoqëruar binin në sy edhe disa shtetas që nuk ishin banorë të zonës. Tek disa prej tyre u përqendrua hetimi por pa rezultat. Muajt në vijim, nxorën në pah element të punës së dobët të policisë dhe hetuesve në atë kohë. Në vendngjarje, kishin mbetur ende prova të paadministruara.
“Pas 2-3 muajsh në bënim kontroll mos gjenim ndonjë gjurmë, armë, etj, këtu ka qenë një ferrë e madhe, gjatë kontrollit gjejmë një karikator mes ferrës, e marrim, thërrasim kriminalistikën e Fierit, e marrin me procesverbal. Interesoheshim gjithmonë, a ka ndonjë gjurmë, na thoshin jo, s’kishte asnjë lloj gjurme”, tha Ilir Xhindi, vëllai i Fatmir Xhindit.
“Po të kishte vepruar për mua policia më mirë në grumbullimin e fakteve në atë ditë, javë muaj, mund të kishim arritur, por u neglizhua”, tha Stefan Çipa.
Top Channel
