Izraeli u lejua të marrë pjesë në Eurovision 2026, nis bojkotimi nga disa shtete 04/12 20:34
Qindra fansa të “Star Wars”, kanë qëndruar në radhë që para agimit, jashtë Disneylandit, ndërsa parku Kalifornian hapi dyert për një mega-atraksion të ri që ka në qendër elementë të serisë ikonë të filmit.
Parku tematik që ka kushtuar 1 miliardë dollarë, është quajtur Star Wars: Galaxy’s Edge, i hapur vetëm për vizitorët fatlumë që mundën të rezervonin biletat në kohë çka i mundësoi atyre të zhyteshin në atmosferën e filmit për një total prej katër orësh.
Vetëm ata që kanë rezervuar biletat herët do të mund të vizitojnë Galaxy’s Edge për tre javët e para, e pas kësaj parku do të jetë i hapur për publikun.
“Ishte shumë e vështirë të siguroja biletat. Unë kisha hapur katër kompjutera në të njëjtën kohë në përpjekje për të siguruar rezervimet. Më në fund ia dola dhe sot jam i emocionuar”, tregon Miguel Langarica, vizitor.
“Shpresojmë të shohim gjithcka nga lufta e yjeve. Të shohim alienët, speciet e ndryshme, gjithçka”,thotë Stephanie Kaniwa, vizitore.
Star Wars, Galaxy’s Edge, është absolutisht i mahnitshëm dhe ne jemi të emocionuar që më në fund po e ndajmë me botën- tha presidenti i kompanisë the Walt Disney, Bob Iger në ceremoninë e hapjes. Tani për të parën herë, fansat e filmit do të mund të zhyten në historitë ikonike që kanë mbërthyer imagjinatën e audiencave për dekada dhe jetojnë aventurat e tyre të veta në parkun më kreativ, inovativ dhe ambicioz të ndërtuar ndonjëherë nga Disney.
Top Channel
