Shërbimet shëndetësore që ofrohen në spitalet jo publike nuk kontrollohen nga askush për sa i përket cilësisë që ofrojnë dhe as nëse çmimet marramendëse që u kanë vendosur e justifikojnë atë.
Duke përfituar nga rregullat e ekonomisë së tregut, ku ne fakt ndodhemi përballe monopolizimit të ofrimit të shërbimeve shëndetësore në sistemin jopublik , kane zgjedhur të vendosin çmime disa herë më tw larta se sa kostoja reale që ka një shërbim të caktuar duke abuzuar në xhep të qytetarëve shqiptarë.
Ky 62-vjeçar kishte probleme kardiake dhe në vitin 2015 vendosi 3 unaza në arteriet koronare në shërbimin kardiologjisë në QSUT. Pak më vonë pati probleme sërish dhe mjekët i thanë se duhej të kryente bypass por për shkak të numrit të madh të pacientëve që i drejtohen këtij shërbimi në QSUT, i duhej të priste mbi një muaj pasi kishte raste të tjera më urgjente. Ndaj vendosi të shkoje në spital jo publik
“Kam shkuar në të gjithë spitalet private në Shqipëri. Të gjithë më jepnin shuma lekësh që nuk i plotësoja dot, 8 mijë euro, 11 mijë euro, deri 15 mijë euro”, shprehet pacienti Gafurr Shkurta.
Në pamundësi për t’i përballuar këto çmime zoti Shkurta priti deri sa i erdhi radha të kryente ndërhyrjen falas ne shërbimin kardiokirurgjisë në QSUT.
“Tre herë kam bërë unazat, pasta u ktheva tek bypassi. Shpëtova financat dhe ndoshta edhe me cilësi më të mirë”, tregon Shkurta.
Por në fakt nuk është i vetmi që ankohet . Ka qytetare të tjerë të cilët tregojnë se kur janë paraqitur për një sëmundje të caktuar në spitalet jopublike, iu është kërkuar që të kryejnë një mori analizash të panevojshme vetëm për të fryrë faturat në fund.
Top Channel
