Dosja “Sky ECC” në Greqi, dalin detaje të reja për Aleksandër Sadikajn. Zbulohet dhe roli i Denis Grabockës 25/12 17:56
Asnjë pengesë nuk është aq e fortë sa të mposhtë ëndrrat. E ëndrra e Vasilikës tashmë është realiteti i saj më i bukur.
Vasilika Duli është një pianiste e shkëlqyer. Edhe pse lindi e verbër, ajo luftoi dhe me sytë e shpirtit u bë artiste.
Pianistja nga Elbasani u prit me duartrokitje të gjata nga publiku në koncertin recital në Teatrin “Skampa”.
“Jam shumë e surprizuar, nuk e prisja gjithë këtë sallë të mbushur plot. Përjetova emocione të papërshkrueshme. Jam shumë e lumtur. Çdo skenë ka emocionet e veta, nuk mund t’i ndaj. Por skena sot (mbrëmë) këtu ishte me plot emocione të bukura. Mesazhi im është: Ndiqini ëndrrat dhe mos hiqni dorë prej tyre, sepse çdo gjë, sado e vështirë të jetë, nëse ekziston dëshira dhe vullneti realizohet”, tha Vasilika Duli.
Të gjitha të ardhurat e koncertit do të shkojnë në ndihmë të fëmijëve me aftësi ndryshe. Misioni i saj fisnik, përtej talentit, e ka emocionuar shumë jo vetëm publikun, por edhe vet Vasilikën.
Top Channel
