Detaje të reja nga hetimet për eskortat; futbollistët, në zona private me shishe vere prej 20 mijë eurosh 09/05 11:24
Gara për një vend në Champions në Serie A, është bërë edhe më interesante pas barazimit të Interit ndaj Udineses të shtunën, pasi as zikaltrit nuk e kanë siguruar vendin e 3-të dhe në lojë për dy biletat e fundit që të çojnë në kompeticionin më të rëndësishëm për klube janë plot 6 skuadra.
Shpreson edhe Lazio e vendit të 8-të. Bardhekaltrit e Simone Inzaghit me një fitore sot në përballjen direkte ndaj Atalantës do të futeshin fuqishëm në garën për vendin e 4-t, pasi diferenca me zikaltrit nga Bergamo do të shkonte në vetëm 1 pikë. Atalanta në krahun tjetër ka për detyrë të ruajë pozicionin e saj por edhe të ushtrojë presion ndaj Interit të vendit të tretë.
Në orën 15:00 do të luhet sfida tjetër mes Parmës dhe Sampdorias.
Në orën 18:00 do të jetë radha e Romës që sfidon Genoan në transfertë. Skuadra e Prandellit nuk e ka siguruar ende mbijetesën dhe do të bëj çmos për të ndalur verdhekuqtë e Ranierit që shpresojnë te një dhuratë e Lazios për t’u ngjitur të 4-it.
Në mbrëmje Napoli pret në San Paolo Cagliarin në një sfidë ku skuadra e Ancelottit në rast suksesi do të siguronte edhe matematikisht vendin e 2-të.
Top Channel
