“Në zemër jam shqiptar”/ Italiani i Kombëtares, Alarico Rossi, tregon ekskluzivisht si drejton sektorin e video-analizës së lojtarëve
29/04 15:56
Chelsea thuasje e siguroi pjesëmarrjen në Champions League sezonin e ardhshëm.
Në javën e parafundit të Premier League-s, “Blutë” e Londrës triumfuan thellë 3-0 ndaj Watford në “Stamford Bridge”, duke u ngjitur në vendin e tretë me 72 pikë, 1 më shumë se Tottenhami, që u mposht një ditë më parë nga Bournemouth.
Skuadra e Sarrit e bëri diferencën në pjesën e dytë duke e gjetur rrjetën fillimisht me Loftus-Cheeck, më pas shënuan David Luiz dhe Higuain.
Tjetër rezultat zhgënjyes për Manchester United, që barazoi 1-1 në fushën e Huddersfieldit, skuadrës së vendit të fundit në Premier League.
McTominay kaloi në epërsi “Djajtë e Kuq” që në minutën 8, por skuadra e Ole Gunnar Solskjaer dështoi ta ruante avantazhin, pasi Mbenza barazoi në të 60.
Me vetëm 1 ndeshje për të luajtur, Manchester United nuk ka më asnjë mundësi për të shpresuar vendin e 4-t.
Top Channel
