“Martin sot na sheh nga lart”/ Qirinjtë qëndrojnë ende të ndezur në vendin ku u vra 14-vjeçari: Nuk do t’i harrojmë kurrë sytë e tu të bukur si deti 23/11 23:05
Kujtimi nga Tirana, dikur e shihnte botën si të gjithë ne, ndërsa tani jeton vetëm me format dhe ngjyrat e së shkuarës. Ai na tregon se diellin e ka parë në 16 vitet e para të jetës së tij. Ishte degjenerimi i retinës, ajo që i mori dritën e syrit dhe e la të verbër.
“Pak a shumë ka mbetur ajo imagjnatë, ka mbetur ora para disa vitesh. Është diçka që më ka ardhur ditë pas dite. Në një moment unë e kisha të vështirë të shkruaja, të lexoja, pastaj nuk shkruaja dhe as lexoja fare. Në një moment e kisha të vështirë të ecja vetëm, pastaj nuk ecja vetëm fare. Ka ardhur ditë pas ditë, pra e kam pranuar duke ardhur, nuk është se mbylla sytë dhe më iku shikimi”, rrëfen Kujtimi.
Kujtimi ka përfunduar dy fakultete, atë të Drejtësisë dhe të Shkencave Mjekësore Teknike. Prej 7 vitesh ushtron profesionin e fizioterapistit. Shqisa e të prekurit e ndihmon atë të njohë problemet muskulare në trupin e pacientit.
“Ata që më njohin kanë besim tek unë, sepse kjo vjen bashkë me eksperiencën. Asnjë njeri nuk mund të thotë që kam besim te dikush pa e provuar”, shprehet Kujtimi.
Kujtimi është baba i një djali 5-vjeçar. Ai thotë që kjo është stina më e bukur e jetës së tij.
“Deri më tani më duken si ato 4 stinët e vitit. Fëmijëria ka qenë pranvera, kjo periudhë është vera. Presim vjeshtën dhe dimrin, por shpresoj të kem sërish pranverë. Nuk e di, vitet e ardhshme i shoh si dimër”, thotë ai.
Edhe pse Kujtimi nuk e sheh diellin, ai gjithnjë rend pas dritës.
Top Channel
