Debate në KLP, Tiranës dhe Elbasanit i mungojnë 51 prokurorë
18/07 21:17
Tre shtetas janë arrestuar dhe dy të tjerë janë shpallur në kërkim nga specialistët e krimit ekonomiko-financiar në Drejtorin e Policisë së Lezhës, të dyshuar për ushtrim të ndikimit të paligjshëm ndaj personave që ushtrojnë funksione publike, pasi kalonin automjete jashtë kushteve teknike kundrejt ryshfetit në pikën e kolaudimit të makinave në Laç.
Operacioni i koduar “Kolaudimi” ka çuar drejt arrestimit të 22-vjeçarit Santiljano Keci dhe 50-vjeçarit Ndue Keci, at e bir sekserë nga Mamurrasi, dhe 49-vjeçarit I.D. nga Lezha. Ndaj tyre ka pasur edhe një masë sigurie “arrest me burg” dhënë nga Gjykata e Shkallës së Parë të Kurbinit gjatë së martës.
Ndërkohë, 47-vjeçari D.A. nga Laçi dhe 33-vjeçari Gj.A. nga Lezha, me detyrë Inspektor i Kontrollit Teknik te “SGS Laç”, ndaj të cilëve ka gjithashtu masa sigurie “arrest me burg”, janë shpallur në kërkim respektivisht për “ushtrim të ndikimit të paligjshëm” dhe “shpërdorim detyre”.
Top Channel
