E Diell/ Njihuni me të ftuarit që do të zbukurojnë të dielën tuaj

Ai do të jetë sot i ftuar në “E Diell” në Top Channel. për të folur më shumë rreth përmbajtjes së këtij projekti, bashkëpunimin muzikor me Kujtim Prodanin, punët e para në SHBA, përballja me Hollywood-in, raporti me të bijën dhe momente muzikore që vetëm Herioni dhe Prodani dinë t`i dhurojnë. Batutat më të spikatura të filmave të Herion Mustafarajt ndër vite, do të risillen në formë parodie nga pupacat Lali & Luli.

Këngëtarja e njohur e muzikës popullore dhe asaj të lehtë Eli Fara, sot do të jetë në rolin e mësueses, profesion të cilin ajo e ka ushtruar rreth 30 vite më parë në një fshat të largët të Korçës. Moderatorët e “E Diell” ketë herë do të jenë në rolin e nxënësve dhe do ta bombardojnë këngëtaren me pyetje, por Eli ka premtuar se do të jetë e rreptë dhe se do t`i vlerësojë ata me nota në varësi të pyetjeve që do të bëjnë.

Ambasadori austriak në Tiranë Dr. Johann Sattler do të jetë i ftuari special në “Escape”. Ai do të tregojë të gjithë eksperiencën e tij teksa ka udhëtuar dhe ushtruar sporte në Shqipëri, por edhe për kulturën austrikae, muzikën klasike si dhe ballon e famshme vjeneze që realizohet në Shqipëri për të dytin vit radhazi më 12 Prill. Në fund të intervistës, stafi i “E Diell” i ka rezervuar Dr. Sattler një surprizë!

Fshati Krutje i Fierit është ndalesa e radhës së rubrikës së “100 Fshatrave”. Investimet në sera dhe blegtori, ekipi i famshëm i volejbollit si dhe traditat do të jenë pjesë e këtij reportazhi.

Shkolla Profesionale e Kamzës do të prezantojë për herë të parë më Shqipëri një platformë online që shmang rradhët e gjata në spitale dhe një administrim perfekt të tij brenda një kohë shumë të shkurtër. Si funksionon ajo? Do e mësoni në rubrikën “Made in Albania”.

Për vajzat që janë në dilemë për grimin e maturës, “Sfida Einxhel” vë në garë Argjirën dhe Einxhel se cila prej tyre realizon make up-in më të mirë për 10 minuta! Kush mendoni ju se do e fitojë garën?

Studioja e “E Diell” do të përshkohet nga performancat e baletit ku si referencë do të kenë epokën e Rilindjes, një kërcim plot energji nga Fjoralba Ponari nën ritmet latine, numra të jashtëzakonshëm akrobacie nga “Cirku Kombëtar” dhe muzika popullore e Eli Farës.

Këndi mjekësor dhe ai estetik sot do të jenë te pasuruara me informacione të domosdoshme për të gjithë teleshikuesit e për ata që fati i ndjek kudo, qëndroni gati sepse “Lotaria Kombëtare” ka pafund opsione për ju!

Qëndroni me “E Diell”, programi ku koha fluturon sa hap e mbyll sytë!

Top Channel