Formula 1/ “Tërhiqem në fund të sezonit”, katër herë kampioni i botës merr vendimin final 28/07 13:46
Lewis Hamilton po konfirmohet një prej pilotëve më të suksesshëm në Formula 1 dhe jo vetëm për rezultatet në pistë. Një klasifikim i agjencive të specializuara në financat sportive dhe në bazën e të dhënave të Formula Money, e vendosi pilotin anglez të Mercedes në majën e emrave më të paguar në të gjithë historinë e garave spektakolare me makina.
Plot 489 milionë Dollarë ka arritur të fitojë Lewis Hamilton që nga viti 2007 e deri më sot mes pagës stratosferike që merr nga skuadra e Mercedes, bonuseve të majme të ardhur nga rezultatet impresionuese në cirkuit dhe kontratave të Formula 1 me platformat televizive.
Dhe kjo është vetëm një pjesë e tortës që ka shijuar dhe vazhdon ta bëjë piloti ambicioz. 34-vjeçari është fituesi në fuqi i titullit dhe kandidati kryesor për tu ulur sërish në fron.
Në vendin e dytë është legjenda e automobilizmit, Michael Schumacher. Gjermani që vuan konvaleshencën më të vështirë të jetës pas një aksidenti me ski në pistën e Meribel në Francë, ka fituar në total në karrierën e tij mitike 464 milionë Dollarë.
Një pjesë të tyre, familja e gjkermanit po e përdor për kurimin e kushtueshëm të pilotit pas gjendjes së keqe shëndetësore. Ka vend në podium edhe pse në shkallën më të ulët, edhe për spanjollin Fernando Alonso. Piloti asturian ka grumbulluar 458 milionë Dollarë mes premiove dhe pagës së majme, para se të braktiste Formula 1.
Top Channel
