Akuzat për mashtrim të Donald Trump, shtyhet për të tretën herë gjyqi ndaj presidentit të SHBA-së 22/11 17:55
Kirurgjia plastike në Nigeri po bëhet gradualisht një prirje në vend, veçanërisht në Lagos. Ndërkohë që ka mjekë të kualifikuar të trajnuar për operacionet kozmetike me rrezik të lartë, nuk mungojnë as amatorët, duke vënë në rrezik jetën e pacientëve.
Një kirurge plastike me qendër në Lagos, e identifikuar si Anu, është aktualisht në arrati, pasi ka kryer një operacion kozmetik tek një kliente, duke shkaktuar vdekjen e saj. Anu u kontaktua nga Onëuzuligbo Nneka Miriam; një ish-mbretëreshë bukurie nëpërmjet Instagramit. Ajo kërkoi të rriste të pasmet nëpërmjet një trajtimi plastik, më 31 dhjetor 2018, por gjërat nuk shkuan ashtu siç duhej.
Është raportuar se Anu, e cili zakonisht punëson ose importon mjekë të huaj për ta ndihmuar atë në operacione, vendosi ta bëjë personalisht procedurën ndaj viktimës pasi donte të provonte veten në atë që kishte parë tek mjekët e tjerë. Për fat të keq, gjërat u ndërlikuan duke çuar në vdekjen e bukuroshes.
Burime të pakonfirmuara zbuluan se motra e viktimës ka pritur një kohë të gjatë që Anu të përfundojë procedurën ndaj motrës së saj. Më pas ajo shkoi në sallën e operacionit ku zbuloi motivin e vonesës. Ajo e pa motrën e saj të pajetë dhe Anu që nuk dinte se çfarë të bënte më shumë. Me sa duket viktima kishte rënë në koma për shkak të komplikimeve nga operacioni.
Top Channel
