Harris dhe Trump fushatë 48 km larg njeri-tjetrit në Pensilvani. Ish-Presidenti: Fitorja këtu na jep shumicën në gjithë vendin. Kandidatja demokrate: Vota juaj, vendimtare 05/11 07:13
Tregu “Rungis” i Francës, pranë Parisit, e festoi 50-vjetorin e krijimit të tij me një banket gjigant, duke i rezervuar kështu vetes një vend në librin e rekordeve “Guinness”.
Organizatorët thonë se vakti i drekës iu shërbye gati 2.000 njerëzve të ulur në një tryezë prej pak më shumë se 401 metrash, mes stendave të frutave dhe perimeve të tregut.
Zyrtarët nga libri i rekordeve “Guinness” e pranuan se kjo nismë e rrëzon rekordin e mëparshëm të një tavoline prej 322 metrash, të vendosur në vitin 2017 në ishullin francez Reunion, në oqeanin Indian.
“Rungis”, 7 km në jug të Parisit zëvendësoi tregun e vjetër “Les Halles” në zemër të kryeqytetit, kur ky u mbyll në vitin 1969. Ai është praktikisht tregu më i madh i prodhimeve të freskëta në botë, mbulon 234 hektarë dhe punëson 12 mijë tregtarë shumice, prodhues, shitës dhe punëtorë të tjerë në 1.200 biznese të ndara.
Në përpjekjen për të thyer rekordin morën pjesë shumë njerëz, të cilët punojnë aktualisht në këtë treg.
Top Channel
