Lumi Gjanica në Fier është ndotur nga mbetjet e naftës, duke ndryshuar ngjyrë brenda 24 orëve.
Sot, uji ka marrë ngjyrë të zezë për shkak të pastrimit të depozitave të naftës. Sipas specialistëve, uji teknologjik që krijohet nga dekantimi i naftës në depozita i jep këtë ngjyrë.
Ndërsa një ditë më parë kishte një ngjyrë tjetër për shkak të mbetjeve të tjera që derdhen nga uzina e përpunimit të naftës në Ballsh.
Mbetjet përfundojnë pa kontroll në përrenj, të cilët më pas bashkohen me Lumin Gjanica. Ndotja nga uzina e përpunimit të naftës në Ballsh dhe nga mbetjet hidrokarbure që krijohen nga puset e naftës në zonën naftëmbajtëse të Patos-Marinzës bëjnë që të jenë të rralla rastet kur uji i këtij lumi mund të ketë të njëjtën ngjyrë me lumenjtë e tjerë.
Top Channel
