Pas 717 ditësh Gentian Muça u rikthye fundjavën e shkuar në fushën e lojë dhe arsyeja e kësaj mungese të gjatë është një arsye shumë më serioze se sa thjesht një dëmtim sportive.

Ishte korriku i viti 2017 kur Muça, 30 vjecar në atë periudhë, u diagnostikua me një masë tumorale në kokën e femurit të kofshës së tij të majtë, ndërkohë që besonte se të gjithë problemet i vinin nga hernia.

“Më diagnostikuan brenda ditës”, u shpreh Gentian Muça, futbollist i Tiranës.

Një betejë e ashpër e ish-kapitenit të Tiranës me sëmundjen të cilën e fiton pas rreth një viti.

“Ka qenë diku nga Maji , kur kam bërë vizitën. 6 muaj kam bërë kimioterapi, radioterapi. Shyqyr Zotit kocka ishte pastruar. Lejen përfundimtare e kam marrë pas rikontrolleve në tetor të vitit të kaluar”, tha Gentian Muça.

Dhe rikthimi në sport mund të flitej vetëm pas kësaj përgjigjeje.

“Në fillim nuk është se më kanë shtyrë të mendoj për të futbollit, sepse ka pasur gjera më të rëndësishme. Por duke parë përmirësimin i kam thënë vetes: Pse jo, ta provoj edhe njëherë” Gentian Muça.

Lajmi për këtë sëmundje të rëndë I kaloi kufijtë e Tiranës, për Muçën u bashkuan shumë koleg për ta ndihmuar, edhe kundërshtarët sportiv më të mëdhenj, ata të Partizanit.

“Përveç skuadrës dhe tifozëve që më kanë mbështet. Shumë ekipe janë sensibilizuar. Kam pasur mbështetje morale, por edhe financiare nga Partizani”, tha Gentian Muça.

Por tashmë gjithçka duket si një ëndërr e madh, Muça u rikthye në fushën e lojës.

“Shumë emocionues, sepse kisha kohë pa zbritur në fushë”, tha Muça.

Top Channel