Ndërprerja e punimeve për ujësjellësin e ri ka lënë pa ujë 6 fshatra të njësisë administrative Gjoricë në Bulqizë.
Projekti i ndërtimit të këtij ujësjellësi ka nisur që në vitin 2015.
Punimet nuk vazhduan më që pas përfundimit të fazës së parë që kishte të bënte me shtrirjen e tubacionit kryesor.
Faza e dyte ajo pas së cilës uji duhet të shkonte në çezma, pra shtrirja e rrjetit shpërndarës të tubacioneve të këtyre 6 fshatrave nuk është financuar ende, edhe pse kanë kaluar 4 vjet.
Burime nga Bashkia Bulqizë bëjnë me dije se fondi të cilin po e presin është 185 milionë lekë. Banorët jo vetëm që nuk kanë ujë në çezma, por vuajnë edhe pasojat e dëmtimit të rrugës nga faza e parë e punimeve.
Top Channel
