Të Fundit

Fshatrat e Shqipërisë, në kanalin e YouTube në Top Channel

14/02/2019 15:33

Janë pikërisht “Fshatrat e Shqipërisë” ato që do përshkruajnë rubrikën më të re, në kanalin e YouTube në Top Channel. Çdo të hënë në orën 18:00, pozicioni gjeografik do të bashkëjetojë me historinë dhe shijen tradicionale të çdo zone. Gastronomia, natyra, prodhimet bujqësore, blegtorale dhe të gjithë komponentët e zhvillimit rreth një turizmi shpresëplotë do të jenë pikënisja e pasqyrimit të kësaj rubrike.

Fishta, në zemër të Zadrimës, e cila ndodhet vetëm 17 km larg qytetit të Lezhës ishte pikërisht rrugëtimi i parë me gazetaren Ilnisa Agolli në “Fshatrat e Shqipërisë”.

Duke shkelur mbi dëshmitë e një kohë që ngjason disi e largët, fshati Fishtë të tërheq pranë tij, sot, më shumë se kurrë. Zhvillimi agroturizmit që zona po njeh, ndikon çdo ditë e më tepër jo vetëm në ekonominë familjare të banorëve, por edhe të gjithë vizitorëve vendas dhe të huaj, duke lënë të kuptosh në fund se ishte pikërisht kjo ajo që mungonte dhe se turizmi apo agroturizmi vjen si një mekanizëm i tërheqjes drejt fshatit, falë bukurive të jashtëzakonshme natyrore dhe vlerave të trashëgimnisë kulturore, me të cilat duhet të prezantohemi të gjithë në “Fshatrat e Shqipërisë”

Top Channel