“Arrestimi u nis tre herë”, habit Arian Curri: Shpëtova Metën dhe Kryemadhin nga burgu, SPAK u tërhoq pas deklaratave
02/05 22:10
Një nga regjisorët më të famshëm francezë prezantoi një dramë të re të bazuar në viktimat në jetën reale të abuzimeve seksuale në Kishën Katolike, ndërsa një prift i akuzuar u përpoq ta ndalte shfaqjen e filmit këtë muaj.
Francois Ozon ka punuar prej vitesh fshehtazi për “By the Grace of God”, (Me vullnetin e zotit) që u duartrokit jo pak në prezantimin në Festivalin e Filmit në Berlin, para premierës gala.
Ky është një nga dramatizimet e profilit më të lartë të mbulimit sistematik të molestimeve seksuale nga ana e klerikëve, që nga koha e “Spotlight” që mori edhe një çmim Oscar, që u shfaq në 2015.
Por, para premierës, një nga priftërinjtë e akuzuar për molestimin e më shumë se 80 djemve, Bernard Preynat, u paraqit në gjykatë për të kërkuar që filmi të mos shfaqej në Francë deri pas përfundimit të procesit gjyqësor, që duhet të fillojë këtë vit.
Premiera e filmit vjen ndërsa kardinali Filip Barbarin, arqipeshkv i Lionit, dhe pesë të tjerë presin verdiktin nën akuzat për mbulim të abuzimit.
Ozon, i njohur për filma të tjerë si Pishina dhe 8 femra, tha për AFP se ai shpresonte që seria e abuzimeve të merrte fund, por filmi duhet të shfaqet për publikun.
Top Channel
