Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Misteri i zhdukjes së futbollistit Emiliano Sala nuk është zgjidhur ende dhe bota e futbollist vazhdon të bëjë homazhe në nder të tij. Kjo u pa edhe përpara fillimit të ndeshjes së kampionatit francez mes Nantës, ish skuadrës së Emiliano Salës dhe Saint Etienne.
Në një nga tribunat e stadiumit, tifozët e Nantës kishin krijuar një mozaik ku lexohej mbiemri i futbollistit, ndërkohë që u shpalos edhe një banderolë gjigande me foton e futbollistit argjentinas, e ndër sa futbollistët e Nantës kishin veshur fanela me frazën ‘Të duam Emy’ në shpinë.
Përveç këtyre në shkallët e stadiumit tifozët filluan të valëvisnin edhe flamurin argjentinas për të vijuar më pas me duartrokitjen për lojtarin që zgjati 1 minutë
Emiliano Sala shënoi 42 gola me fanelën e Nantës përpara se të kalonte te Kardifi për shifrën e 17 milioonë Eurove. 28 vjeçari ishte duke udhëtuar drejt Uellsit kur në mbrëmjen e 21 janarit avioni i tij u zhduk nga radarët mbi Kanalin e La Manshit. Orët e fundit ka patur zhvillime të reja në lidhje me këtë ngjarje misterioze pasi hetuesit britanikë bënë të ditur se janë gjetur pjesë të avionit Piper PA-46 Malibu në një plazh të Francës.
Top Channel
