Protesta dhe festa në botë pas sulmeve ndaj Iranit, 23 të vrarë në Pakistan, përplasje pranë konsullatës amerikane 01/03 22:59
Mercenarë rusë kanë mbërritur në Venezuelë për të mbrojtur Presidentin Nicolas Maduro.
Lajmi për grupin e militarëve të një shoqërie private ruse Wagner që kanë mbërritur në Karakas e ka dhënë agjencia Reuters, sipas së cilës, qëllimi i misionit është vazhdimi i represionit në sheshe nga ana e Presidentit Maduro, lidershipi i të cilit është vënë në diskutim nga protestat dhe nga presionet ndërkombëtare.
Në fakt, Moska dhe Pekini, për arsye të interesave ekonomike, e mbështesin prej kohësh regjimin e Karakasit. Sipas Reuters, në Venezuelë ndodhen 400 mercenarë rusë të mbërritur në fillim të javës. Burime të tjera sidoqoftë thonë për Reuters se kontigjenti është më i vogël.
Komandoja mësohet se ka kaluar tranzit nga Kuba, një tjetër vend aleat i Maduros. Mercenarë të Wagner kanë luftuar më herët me porosi edhe në Siri, Ukrainë dhe Afrikë, me Kremlinin që asnjëherë nuk ka konfirmuar praninë e tyre në arenat e luftës.
Sipas burimeve anonime, mercenarët rusë janë dërguar në Venezuelë që nga maji i vitit të kaluar, gjatë zgjedhjeve presidenciale. Dhe të dhënat e fluturimeve kanë treguar se avionë ushtarakë janë nisur nga Rusia në drejtim të Amerikës së Jugut.
Ditët e shkuara, lideri i opozitës Juan Guaido, është vetëshpallur President me mbështetjen e Uashingtonit dhe i njohur më pas nga disa vende perëndimore, përfshirë Shqipërinë dhe Kosovën.
Top Channel
