Policia sekuestron princeshën etruske nga grabitësit e dyshuar të varreve në Itali (fotot)
20/11 17:07
Fondacioni bamirës i Presidentit të SHBA-ve, Donald Trump, ka pranuar dakord të shpërbëhet nën mbikëqyrjen e gjykatës, duke zgjidhur pjesërisht një padi të shtetit të Nju Jorkut, që pretendon se Trump e ka keqpërdorur atë për të ndihmuar fushatën e tij presidenciale në 2016-ën, dhe bizneset e tij, tha të martën avokati i shtetit.
Padia kundër Fondacionit Donald J. Trump gjithashtu kërkon të rimarrë 2.8 milionë dollarë dhe të ndalojë Trump dhe tre fëmijët e tij më të mëdhenj nga rolet e lidershipit në cilëndo bamirësi të Nju Jorkut.
Marrëveshja, e cila duhet të miratohet nga një gjykatës shtetëror i Nju Jorkut, do t’i jepte Prokurores së Përgjithshme të Shtetit, Barbara Underwood, fuqinë për të vëzhguar bamirësitë që marrin asetet e mbetura të fondacionit.
Underwood tha në një deklaratë se fondacioni kishte shërbyer si “pak më shumë se një bllok çeqesh, për t’i shërbyer interesave të biznesit dhe interesave të zotit Trump” dhe e quajti marrëveshjen “një fitore të rëndësishme për sundimin e ligjit”.
Alan Futerfas, një avokat për Trumps, u përgjigj në një deklaratë se padia kishte vonuar planin e fondacionit për t’u shpërndarë, pasi Trump fitoi zgjedhjet presidenciale të SHBA në nëntor 2016.
Ai shtoi se gjatë dhjetëvjeçarit të kaluar, fondacioni kishte shpërndarë rreth 19 milionë dollarë, duke përfshirë 8.25 milion dollarë të parave personale të Trump, në mbi 700 organizata bamirëse.
Trump, një republikan, ka thënë më parë në Twitter se padia e Underwood ishte një përfytyrim nga “demokratët e Nju Jorkut”. Në propozimin e tyre për të hedhur poshtë çështjen, Trump tha se reflektoi “paragjykimin e përhapur” të Underwood ndaj tyre.
Top Channel
