Përdorimi i raketave amerikane nga Ukraina, Putin kërcënon me përdorimin e armëve bërthamore. Ja vendimi i fundit që ka marrë 19/11 12:07
Ministri i jashtëm turk thotë se presidenti amerikan Donald Trump, kohët e fundit e siguroi Presidentit turk Rexhep Tajip Erdogan se Uashingtoni po konsideron ekstradimin e një kleriku musliman që Ankaraja e akuzon për orkestrimin e një grushti ushtarak të dështuar në vitin 2016.
Ministri i Jashtëm turk Mevlut Cavusoglu i tha rrjetit televiziv amerikan CNBC se kur presidentët Trump dhe Erdogan u takuan kohët e fundit në samitin e G-20 në Argjentinë, udhëheqësi amerikan tha se Shtetet e Bashkuara po punojnë për ekstradimin e “Fethullah Gulenit” dhe njerëzve të tjerë.
Gulen 77-vjeçar, një aleat i dikurshëm i Erdoganit, ka jetuar në mërgim të vetëvendosur në shtetin lindor të Pensilvanisë për gati dy dekada, por Uashingtoni i është kundërvënë kërkesës së Erdoganit për ta ekstraduar për t’u përballur me akuzat se ai drejtoi përpjekjen e grushtit të shtetit nga përtej Atlantikut.
Top Channel
