Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Jurgen Klopp u duk qartazi dhe me të drejtë mjaft i lumtur pas fitores së Liverpoolit 3 -1 kundër Manchester United.
Tranjeri i “The Reds” shprehu vlerësime maksimale për futbollistët e tij dhe për lojën e bërë në këtë sfidë, sidomos për lojtarin e ndeshjes, Xherdan Shaqiri, i cili hyri si zëvëndësues.
“Të gjithë lojtarët bënë diferencën në fushë. Nuk ke nevojë të shënosh për ta bërë këtë gjë, por kur realizon gol, të ndihmon jashtëzakonisht shumë, sidomos kur je një lojtar ofensiv. Shaqiri është një futbollist me aftësi të mrekullueshme, është mjaft i aftë për të krijuar raste dhe për të ndryshuar rrjedhën e lojës. Jam shumë i kënaqur për fitoren dhe lojën e sotme”, u shpreh Kloop.
Nga ana tjetër, pavarësisht disfatës, Jose Mourinho shprehu vlerësim për performancën e të tijve, sidomos për përpjekjet e bëra nga ta në këtë takim. Nuk munguan gjithashtu vlerësimet për mbrojtësin e majtë të Liverpoolit, Andrew Robertson:
“Lojtarët dhanë gjithçka në fushë dhe kur japin gjithçka, nuk kam asnjë arsye që t’i kritikoj. Përkundrazi, kam një ndjesi të mirë për ta. Liverpooli është një ekip i shpejtë, agresiv dhe luan me mjaft intensitet. Mjafton të shohësh Robertson. Duket sikur ai bën sprinte çdo minutë, dhe kjo është diçka e jashtëzakonshme”, tha Kloop.
Aktualisht, Liverpool gjendet në krye të Premier League-s me 45 pikë të grumbulluara, 1 më shumë se Manchester City i vendit të dytë. Ndërkohë, United i Mourinhos renditet i 6-ti, në kuotën e 26 pikëve.
Top Channel
