Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Berlini inauguroi një shtesë të re në Muzeun Island të listuar në UNESCO, të enjten, pas një vonese në ndërtim që zgjati disa vite dhe me kosto që ishin dyfishi i shumës së buxhetuar.
Çelësat në Galerinë James Simon iu dorëzuan më në fund autoriteteve muzeale të Berlinit, Fondacionit Prusian të Trashëgimisë Kulturore. Projektuar nga arkitekti i famshëm britanik, David Chipperfield, ndërtesa prej 4,600 metrash katrorë do të jetë një hyrje e vetme në grupin e pesë muzeve ishull. Përveç strehimit, do ketë edhe një pikë të përbashkët biletash për muzetë.
Galeria gjithashtu përmban një hapësirë për ekspozita të përkohshme, një librari, një auditor dhe një kafene. Ajo do të hapet për publikun nga korriku i vitit të ardhshëm. Michael Eissenhauer, drejtori i muzeve publike të Gjermanisë, e quajti ndërtesën e re një “dhuratë nga qielli”. Por disa qytetarë të Berlinit e kanë tallur atë si “dhomën më të shtrenjtë të botës”, pasi kostoja e ndërtimit shpërtheu në 134 milion euro, afër dyfishit të 71 milionë eurove të buxhetuara.
Një vend i Trashëgimisë Botërore të UNESCO-s, Muzeu Island është shtëpia e objekteve të çmuara, duke përfshirë një bust legjendar të Mbretëreshës Egjiptiane Nefertiti dhe portës Ishtar të Babilonisë. Grupi i muzeve në zemër të Berlinit tërheq rreth 2.5 milionë vizitorë në vit.
Top Channel
