Pushtimi rus, Ukraina ka humbur 40% të tokës që kontrollonte në rajonin Kursk të Rusisë 24/11 18:00
Presidenti iranian Hassan Rouhani bëri një kërcënim të dukshëm për të ndalur dërgesat e naftës të vendeve të tjera përmes Gjirit, nëse Uashingtoni shtyn përpara përpjekjet për të ndalur eksportet iraniane të naftës.
Shtetet e Bashkuara kanë vendosur sanksione ndaj Iranit dhe zyrtarët e SHBA thonë se synojnë të zvogëlojnë eksportet e naftës në Iran, në një përpjekje për të frenuar programin e raketave të Republikës Islamike dhe ndikimin rajonal të Teheranit.
“Amerika duhet ta dijë se ne po shesin naftën tonë dhe do të vazhdojmë të shesin naftën tonë, dhe ata nuk janë në gjendje të ndalojnë eksportet tona të naftës”, tha Rouhani në një fjalim televiziv gjatë një udhëtimi në qytetin verior të Iranit, Shahroud.
“Nëse një ditë ata duan të parandalojnë eksportin e naftës së Iranit, atëherë asnjë litër naftë nuk do të eksportohet nga Gjiri Persik”, tha ai, duke bërë komente të ngjashme me ato të muajit korrik.
Gjithashtu në korrik, një komandant iranian i rojeve revolucionare, Ismail Kowsari, u citua të thoshte se Teherani do të bllokonte dërgesat e naftës nëpërmjet ngushticës së Hormuzit, nëse Shtetet e Bashkuara ndalojnë shitjen e naftës iraniane.
Tensionet janë ngritur midis Iranit dhe Shteteve të Bashkuara, pasi Presidenti i SHBA, Donald Trump u tërhoq nga një marrëveshje bërthamore shumëpalëshe në maj, dhe rivendosi sanksionet mbi Republikën Islamike. Rouhani tha se Shtetet e Bashkuara nuk do të kishin sukses në shkurtimin e lidhjeve ekonomike të Iranit me rajonin dhe botën.
“Grupi më armiqësor në Amerikë, në lidhje me Iranin, ka marrë pushtetin,” tha Rouhani, sipas Agjencisë së Lajmeve të Republikës Islamike (IRNA) të drejtuar nga shteti. “Natyrisht që asnjëherë nuk kishin miqësi me popullin e Iranit dhe asnjëherë nuk kemi besuar Amerikën apo të tjerët në 100 për qind”.
Top Channel
