Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Qeveria e Kryeministres britanike Theresa May e ka bërë tërësisht publik mendimin e prokurorit të përgjithshëm Geoffrey Cox mbi përmbajtjen e marrëveshjes së Brexit.
Dje deputetët e Londrës kanë dhënë aprovimin e tyre me 311 vota në favor dhe 293 kundër; një mocion sipas të cilit ekzekutivi “paska fyer parlamentin”, duke publikuar vetëm një ekstrakt prej 43 faqesh në lidhje me mendimin e prokurorit, ndërsa dokumenti origjinal përmban qindra faqe.
Një sinjal ky shqetësues për May-in, e cila pret votimin e 11 Dhjetorit mbi marrëveshjen, në dhomën e përbashkët. Kundër qeverisë është vënë edhe partia e vogël irlandezo-veriore “Dup”, shumë e rëndësishme për mazhorancën absolute.
Mendimi i Cox është me të vërtetë shqetësues: ai paralajmëron ekzekutivin për rrezikun që “backstop-i” i diskutueshëm mund të “zgjasë për një kohë të pacaktuar”, derisa të ketë një marrëveshje të re mbi marrëdhëniet e ardhshme midis Mbretërisë së Bashkuar dhe BE.
“Back-stop-i”, klauzola mbrojtëse e futur për të shmangur kthimin në kufirin fizik ndërmjet Republikës së Irlandës dhe Irlandës së Veriut, parashikon mbajtjen e bashkimit doganor midis Mbretërisë së Bashkuar dhe Bashkimit Evropian.
Në praktikë, ai shërben për të parandaluar kontrollin e mallrave që kalojnë kufirin midis veriut dhe jugut, për të ruajtur paqen në rajon.
Top Channel
