Akuzohet për spiunazh në favor të Rusisë dhe Iranit, arrestohet punonjësi i ambasadës amerikane në Oslo 22/11 22:38
Presidenti i SHBA-ve Donald Trump dhe homologu i tij kinez, Xi Jinping, kanë rënë dakord të mos aplikojnë tarifat e reja tregtare për 90 ditë, kohë gjatë të cilës do të mbahen bisedime.
Në një takim të nivelit të lartë gjatë samitit të G20-ës në Buenos Aires, Trump mori përsipër të mos rrisë tarifat e mallrave kineze nga 10% në 25% më 1 janar.
Nga ana tjetër, Kina do të blejë një sasi shumë të konsiderueshme të produkteve bujqësore, industriale dhe energjetike, tha Shtëpia e Bardhë në një deklaratë.
Ndërkohë, Pekini thotë se të dy palët ranë dakord të hapin tregjet e tyre. Ky ishte takimi i parë ballë për ballë midis dy liderëve, që nga shpërthimi i një lufte tregtare më parë këtë vit.
Mosmarrëveshja shpërtheu pasi Trump u ankua se Kina nuk po bënte asgjë për të ulur suficitin e saj të madh në tregtinë dypalëshe.
Në samitin në kryeqytetin e Argjentinës, më parë të shtunën, udhëheqësit e G20 ranë dakord për një deklaratë të përbashkët që vë në dukje ndarjet mbi tregtinë, por nuk kritikon proteksionizmin.
Top Channel
