“Për Shqiptarët”/ Lindi vetëm 850 gram, vuajtjet dhe sakrificat e familjes së Valdrinit! 1 vjeçari në luftë për jetën 22/11 23:29
Demokratët e cilësuan tronditës raportin e “Reporterëve pa kufij”, duke bërë përgjegjës Edi Ramën për cilësimin e Shqipërisë në raport, si vendin ku krimi i organizuar ka fuqinë e organizatave më të tmerrshme kriminale.
“Nën qeverisjen e Edi Ramës, Shqipëria ka krijuar imazhin e një vendi parajsë për trafikun e drogës, por kjo është hera e parë, që Shqipëria renditet në raportin e “Reporterëve pa kufij” si një nga 5 vendet në botë me krim të organizuar shumë të rrezikshëm”, tha deputetja Albana Vokshi.
Kryetarja demokrate e Komisionit të Medias tha se, situata alarmante e krimit ka ndikuar drejtpërsëdrejti në lirinë e medias dhe sigurinë e gazetarëve.
“Historitë e 3 gazetarëve shqiptarë: Klodiana Lala, Basir Çollaku dhe Alida Tota, kanë një të përbashkët. Gazetarët janë kërcënuar për shkak të denoncimeve që ata u kanë bërë lidhjeve të ngushta të krimit të organizuar me pushtetin, Jurgis Çyrbjen me Emiljano Shullazin, Saimir Tahirin me drogën e Habilajve, Erion Veliajn me mafien e plehrave”, tha më tej Vokshi.
Raporti i organizatës së njohur, sipas demokratëve përforcon edhe një herë shqetësimet e ngritura edhe nga Departamenti amerikan i Shtetit për kapjen e medias për interesa të pushtetit dhe kërcënimet ndaj gazetarëve për të mos investiguar për korrupsionin dhe krimin e organizuar.
Top Channel
