“Nuk ka bërë mjaftueshëm për ta merituar avancimin e negociatave”/ Synon anëtarësimin në BE, Serbia dështon në hapjen e kapitujve 25/11 16:35
Donald Trump po e sheh nga afër vazhdën e shkatërrimeve që kanë lënë pas zjarret më të fuqishme në historinë e Kalifornisë. 76 persona ka vrarë zjarri i pagëzuar “Camp Fire” në veri të këtij shteti dhe mbi 1200 janë të zhdukurit.
Duke folur nga qyteti thuajse tërësisht i rrënuar, Paradise, presidenti e përshkroi skenën si pamje që të ngjall trishtim. Duhet të bëjmë një menaxhim më të mirë të mirëmbajtjes këtej, e të punojmë edhe me grupet ambientaliste. Them se nuk do të kemi më situatë të këtij niveli, u shpreh ai.
Ekspertët thonë se kushtet e motit, ndryshimet klimaterike dhe lëvizjet e popullatës duhen konsideruar si shkaktarët kryesorë të zjarreve të tilla pyjore. Zjarrfikësit nuk po luftojnë vetëm me Camp Fire; është edhe Woolsey Fire që ka gllabëruar hektarë të tërë toke pranë Los Angelesit e ka marrë të paktën tre jetë njerëzish.
Si të mos mjaftonte ferri i krijuar prej flakëve, një numër i madh njerëzish janë sëmurë pas përhapjes së një virusi në strehat e përkohshme, ndërsa cilësia e ajrit në Kaliforni në këto momente është listuar si më e keqja në botë.
Parashikohen reshje të dendura shiu për javën në vazhdim, e ato mund t’i fashisin disi flakët, por rrezikojnë nga ana tjetër të nxisin rrëshqitje dheu e përmbytje në rajonet kodrinore, ku bimësia është zhdukur.
Top Channel
