Akuzohet për spiunazh në favor të Rusisë dhe Iranit, arrestohet punonjësi i ambasadës amerikane në Oslo 22/11 22:38
Më shumë se një miliardë e gjysmë dollarë u fituan me një biletë të vetme në llotari, më 24 tetor, në Shtetet e Bashkuara të Amerikës. Por, pronari i biletës ende nuk është bërë i gjallë.
Askush nuk është paraqitur për të tërhequr “jackpot”-in e Mega Millions. Bileta me fat është shitur në Simpsonville, në Karolinën e Jugut, por ai që e ka blerë ende nuk është paraqitur për të reklamuar fitoren. Në të vërtetë, pronari i biletës ka 180 ditë kohë nga hedhja e goglave për t’u paraqitur, duke zgjedhur më pas nëse do të qëndrojë anonim apo jo dhe nëse do të marrë të gjitha paratë menjëherë apo do t’i ndajë në këste në shumë vite.
Nëse fituesi nuk do të paraqitet, “jackpot”-i do të ndahej mes shteteve amerikane pjesëmarrës në llotari.
Në fakt, kjo nuk është hera e parë që një çmim nuk tërhiqet, por në rastet e tjera shifrat e fituara kanë qenë shumë më të ulëta. Disa media amerikane, si CNN, po tentojnë të japin një shpjegim për vonesën në shfaqjen e pronarit të biletës me fat. Është e mundur që fituesi të jetë duke fituar kohë, për t’u përgatitur edhe shpirtërisht për të menaxhuar një shumë kaq të madhe parash, duke u konsultuar me një avokat dhe me bankën.
Por, janë të shumtë edhe ata që mendojnë se bileta mund të ketë humbur e në këtë rast nuk mund të bëhet asgjë.
Top Channel
