Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Kur kishin kaluar disa orë pas humbjes së Interit me rezultatin e thellë 4-1 ndaj Atalantës, në një sfidë ku zikaltrit u paraqitën tmerrësisht keq, tekniku Spalletti pranoi përgjegjësitë dhe zgjedhjet e gabuara.
Duke folur në një seminar në Koverciano, tekniku zikaltër pranoi se nuk i kishte bërë llogaritë mirë me lodhjen e Championsit, që gjithashtu e vuajti edhe Barcelona mbrëmjen e të dielës përballë Betisit.
“Rezultati dhe mënyra e lojës, konfirmojnë se kemi gabuar të gjithë, por mbi të gjithë, kam gabuar unë. Tani që jam më i ftohtë dhe pasi pashë edhe ndeshjen e Barcelonës, kuptova e takimi i të martës ka peshuar shumë. Nëse do të kthehesha pas, do të bëja zgjedhje të tjera”, deklaroi Spalletti.
Tekniku zikaltër konfirmoi në fushë 8 nga 11 lojtarët që përballuan sfidën impenjative ndaj Barcelonës të martën, ndërsa futbollistët e Interit u panë dukshëm të lodhur, duke humbur thuajse të gjitha dyluftimet ndaj atyre të Atalantës.
Top Channel
