Pushtimi rus, Ukraina ka humbur 40% të tokës që kontrollonte në rajonin Kursk të Rusisë 24/11 18:00
Kryetari i Bashkisë së Varshavës ka vendosur të mos lejojë një marshim nacionalist të planifikuar për të dielën, në përkujtim të 100-vjetorit të pavarësisë polake, duke përmendur rrezikun e dhunës dhe shprehjes së urrejtjes.
Marshimi u organizua pjesërisht nga grupe ekstremiste të së djathtës, njëra prej të cilave tha se do të sfidonte urdhrin e ndalimit dhe se do të ftonte turmën të dilte në shesh.
Një tubim i tillë mbahet çdo vit në kryeqytet më 11 nëntor për të përkujtuar përvjetorin e pavarësisë së Polonisë në fund të Luftës së Parë Botërore, por ngjarja e vitit të kaluar u shënua nga këngët raciste dhe konfrontimet mes protestuesve me njëri-tjetrin.
“Varshava tashmë ka pësuar mjaftueshëm për shkak të nacionalizmit agresiv”, tha kryebashkiaku Hanna Gronkiewicz-Waltz. “100 vjetori i pavarësisë së Polonisë nuk duhet të duket kështu, prandaj edhe vendimi im është për ta ndaluar atë”.
“Ne nuk e kuptojmë vendimin e kryetarit Gronkiewicz-Waltz … Edhe nëse gjykatat konfirmojnë vendimin e saj, ne do të vazhdojmë të takohemi … Marshi do të zhvillohet”, tha Tomasz Dorosz, kreu i kampit nacional polak të Polonisë, një nga grupet e përfshira në organizimin e marshimit.
Zyra e presidentit Andrzej Duda tha se kishte ftuar kryeministrin Mateusz Morawiecki për të diskutuar mbi vendimin e ndalimit. Vetë Duda kishte vendosur të qëndronte larg nga ngjarja, e cila vitin e kaluar tërhoqi rreth 60.000 njerëz, duke përfshirë përfaqësues të grupeve ekstrem të djathtë nga mbarë Polonia dhe Evropa.
Top Channel
