Debate në KLP, Tiranës dhe Elbasanit i mungojnë 51 prokurorë
18/07 21:17
Në ditën e shpalljes se pretencës për grupin e Emiliano Shullazit, oficerët e policisë veshën sërish jelekët antiplumb. Makinat e blinduara dhe snajperët rrethuan Gjykatën. Mes forcave speciale nuk mungoi as drejtori i Përgjithshëm i Policisë së burgjeve Enrik Sulejmani çka hedh dyshime se më shumë se një plan masash për sigurinë e ambienteve, autoritetet u përgatitën gjithashtu për të parandaluar një arratisje nga burgu 313.
Prokuroria e Krimeve të rënda shpalli pretencën duke shpallur 64 vite burgim në total për grupin Shullazi. Prokurorët thanë se Emiliano Shullazi shoqërohej besnikërisht nga mbështetësit e tij duke shkaktuar panik dhe frikë tek viktimat e tyre.
Kërkesa e Prokurorisë për dënimin e pesë anëtareve të grupit u dha gjithashtu në prezencë të përfaqësuesve të ambasadës amerikane dhe gjermane.
Asnjëri nga të dyshuarit nuk ishte i pranishëm në seancë. Për Emiliano Shullazin u kërkuan 17 vite burgim, prej të cilave pesë ishin për shkak të grupit kriminal që ai drejton. Ai akuzohet për tetë vepra që nga gjobëvënia ndaj dëshmitarit të drejtësisë Ylvi Beqja, gjobëvenia ndaj Jani Zekës, ndaj biznesmenit Kërçuku, dy episode kanosje per shkak të detyrës ndaj profesorëve Dhori Kule dhe Mynyr Koni, shkatërrim prone me eksploziv dhe drejtim i grupit.
Në përfundim prokuroria tha se shtetasi Shullazi ka përdorur të njëjtin mekanizëm bashkë me anëtarët duke ju vendosur gjoba më tej duke i kërcënuar e më tej duke vendosur lëndë plasëse
i konsideruar nga prokuroria si krahu i djathtë i Shullazit, për Gilmando Danin u kërkua 15 vjet burgim, për Endri Qyqën dhe Endrit Zelën nga 11 vjet heqje lirie dhe për Blerim Shullazin 10 vjet burgim.
Për dy orë rresht prokurorët lexuan episodet në të cilat pasi ishte lidhur marrëveshja mes Shullazit dhe Ylvi Beqjas për të zgjidhur marrëveshjen për rikthimin e ish-Vollgës, Shullazi kërkoi 30 përqind të pronësisë.
Më pas grupi ka vjelur gjoba nga Beqja derisa një moment ai dorëzohet dhe nuk kishte me ç’tu jepte, duke ju përgjigjur pyetjes së tyre a ke me gjethe me argumentin s’mundem më.
Prokuroria solli si rrethanë rënduese tërheqjen e dëshmitarëve nga deklaratat e tyre duke e konsideruar si frikë nga ballafaqimi me të akuzuarit. Nga ana tjetër avokatët dolën hapur me kartat e tyre duke kërkuar bazën ligjore mbi të cilën ishte kryer zëvendësimi i prokuroreve.
Ata e konsideruan procesin te paragjykuar gjatë të gjitha fazave, sepse sipas tyre nuk ka prova bindëse. Siç ka ndodhur që në nisje të gjykimit seanca e radhës do të jetë të martën e ardhshme.
Top Channel
