E rëndë në Indi/ Nëna hedh të birin 6-vjeçar me aftësi të kufizuara në lumin e mbushur me krokodilë 07/05 16:58
Kolumbia nuk do ta pranojë Venezuelën si një garantues të bisedimeve të paqes nëse vendos të vazhdojë negociatat me guerilët marksiste ELN, tha Presidenti Ivan Duque të enjten, duke përmendur mbështetjen e supozuar të vendit fqinj për aktivitetet rebele.
Duque, i cili ka vizituar Nju Jorkun për Asamblenë e Përgjithshme të Kombeve të Bashkuara, tha në fjalimin e tij inaugurues muajin e kaluar se ai do të marrë 30 ditë për të vlerësuar bisedimet, të cilat filluan në vitin 2017 nga paraardhësi i tij. Afati përfundimtar ka kaluar pa një vendim përfundimtar nga lider kolumbian i krahut të djathtë, nëse ata do të vazhdojnë negociatat, apo do të tërhiqen.
Ai i ka kërkuar Ushtrisë Çlirimtare Kombëtare 2000 (ELN) që të lirojë të gjithë pengjet si një kusht për rifillimin e dialogut. Grupi ka lëshuar deri tani nëntë prej tyre, të gjithë anëtarët e forcave të sigurisë ose kontraktuesve ushtarakë, ndërsa kanë mbetur ende edhe 10 pengje, të cilët janë civilë.
Venezuela, Kuba, Kili, Brazili dhe Norvegjia kanë shërbyer si të ashtuquajturit garantues në negociatat me ELN, të cilat u mbajtën në Kubë pak para se Duque të marrë detyrën. Garantuesit kanë për qëllim të jenë lehtësues neutralë të bisedimeve, duke ofruar lehtësira negociuese dhe ndihma të tjera.
Por qeveria e Kolumbisë dhe forcat e armatosura kanë akuzuar Venezuelën për një kohë të gjatë se lejuar që grupet rebele të kalojnë lirshëm në territorin e saj dhe të fshihen atje.
“Një vend që ka mbështetur ELN në territorin e saj, duke mbrojtur atë, që ka lejuar që veprat kriminale kundër popullit kolumbian të falsifikohen në territorin e saj, është larg nga të qenit një garantues”, tha Duque para gazetarëve, përpara fluturimit të tij të kthimit në Bogota.
Top Channel
