Studimi: Gjermania, ende e ndarë edhe 30 vite pas murit të Berlinit

Një studim i qeverisë gjermane ka treguar se, pagat janë ende më të ulëta në lindje krahasuar me perëndimin; afërsisht rreth 15 për qind më të ulëta, gjë që tregon se flluska e rritjes mund të ketë shpërthyer.

Raporti vjen pas rreth 3 dekadash dhe triliona eurosh të shpenzuara në përpjekjet për të vendosur të dyja anët e Gjermanisë në një drejtim.

Shtetet perëndimore kanë paguar detyrimet e tyre për ta sjellë lindjen në nivelin e tyre ekonomikisht. Taksat janë më të larta në perëndim, gjë që shumë figura politike e kanë kritikuar.

Taxpayers demonstrating on anniversary of fall of Berlin wall/#Mauerfall against economic subsidy tax for formerly communist east. They want the new government to kill the so-called #Soli. pic.twitter.com/2dE4lWmCTw

— Jefferson Chase (@chaseongermany) November 9, 2017

Sidoqoftë, situata nuk është kaq e zymtë për ekonominë më të madhe të Europës në tërësi, ku është shënuar sukses.

Produkti i Brendshëm Bruto në lindje, që tregon sesa është rritur ekonomia, ka shënuar 41 për qind rritje që nga ribashkimi në vitin 1991.

Qeveria gjermane nënvizon në vijimësi angazhimin e saj për të rritur kapacitetin ekonomik të lindjes së vendit, me një seri investimesh që variojnë nga infrastruktura e deri tek industria.

E pavarësisht se bëhet fjalë për një vend, mes lindjes dhe perëndimit ekziston edhe fenomeni i ikjes së trurit. Në vitin 2016, mbi 400 mijë gjermano-lindorë u zhvendosën në perëndim të Gjermanisë për të punuar atje, ndërsa në drejtim të kundërt u zhvendosën 150 mijë gjermano-perëndimorë.

Top Channel