“Kishim një Shqipëri mos o zot, sot jemi krenarë”/ Rama thirrje shqiptarëve në Angli: Nuk po ju them merrni plaçkat, por hajdeni… 24/11 14:43
Mazhoranca akuzoi sot kryetarin e Partisë Demokratike për gjobëvënie. Deputeti Ervin Bushati tregoi edhe rastin dhe kompaninë.
Socialistët nisën të tregojnë shembuj të atyre që Lulzim Basha i quan oligarkë, por që rezultojnë se bashkëpunojnë me kompanitë e kunatit të kryedemokratit.
Një praktikë kjo që mazhoranca e cilëson gjobëvënie të Bashës ndaj biznesit.
“Kompania “Gener 2”, në pronësi të Bashkim Ulaj, u akuzua disa ditë më parë nga Lulzim Basha si e inkriminuar, pasi pritet të ndërtojë rrugën e re “Tiranë-Thumanë- Vorë”. Por e njëjta kompani, në pronësi të të njëjtit individ, vetëm brenda një viti ka paguar plot 220 milionë lekë tek kompania e kunatit të Lulzim Bashës”, u shpreh Ervin Bushati.
Nga selia e Kuvendit, deputeti socialist Ervin Bushati iu drejtua me një pyetje kryedemokratit Basha. “Përse kur zoti Bashkim Ulaj paguan 220 milionë lekë për kunatin e Lulit ai është sipërmarrës i ndershëm; kurse kur kontraktohet nga shteti për të ndërtuar rrugë, duke hapur edhe vende pune, qenkërka i inkriminuar?”
Socialistët pohuan se do të vijojnë të tregojnë raste të tjera të atyre që i quajnë gjobëvënie të kryedemokratit Basha ndaj sipërmarrësve të mëdhenj në vend.
Top Channel
