Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Luka Modriç është fituesi i çmimit “FIFA The Best”, apo trofeut që vlerëson “Lojtarin më të mirë të vitit”. Me mbylljen e ceremonisë janë zbuluar edhe votat e medieve, trajnerëve të ekipeve kombëtare dhe kapitenëve të tyre.
Mes të tjerëve kanë dhënë votën edhe trajneri i Kombëtares shqiptare, Christian Panucci, apo Etrit Berisha, në rolin e kapitenit të kuqezinjve. Trajneri italian preferoi t’ia jepte pikët e tij Cristiano Ronaldos, Luka Modriçit dhe Eden Hazardit, ndërsa Berisha kishte si të preferuarit e tij Lionel Messin, Mohamed Salah dhe Luka Modriç.
Po kështu kanë dhënë votën e tyre edhe kapiteni e trajneri i përfaqësueses së Kosovës. Kështu, Samir Ujkani votoi për Luka Modriç, Cristiano Ronaldon dhe Kylian Mbappe, ndërsa Bernard Challandes preferoi të zgjedhë Cristiano Ronaldon, Mohamed Salah e Luka Modriç.
Kurioziteti më i madh në këtë aspekt ishte te votat e Lionel Messit e Cristiano Ronaldos. Kapiteni i Argjentinës, pas Modriç e Mbappe vendosi t’i japë pikë edhe rivalit të tij portugez; ndërsa Ronaldo bëri krejtësisht të kundërtën, duke e injoruar Lionel Messin.
Sulmuesi i Juventusit ia dha pikët e tij Varane, Modriç e Griezmann.
Top Channel
