Formula 1/ “Tërhiqem në fund të sezonit”, katër herë kampioni i botës merr vendimin final 28/07 13:46
Reshjet e shiut kanë tronditur shpresat e pilotëve pretendentë në sesionin e parë të provave të lira të Formulës 1, për ndalesën e radhës në Monza të Italisë.
Më i shpejti i këtij sesioni ka rezultuar një pilot surprizë, Sergio Perez me Force India, që ka regjistruar kohën 1 minutë e 34 sekonda, duke u pozicionuar përpara Ferrarit të Kimi Raikkonenit, me 55 të qindtat më shumë.
Koha e tretë më e shpejtë ishte ajo e Ocon, i cili la pas krahëve Hartleyn dhe Ricciardon. Shumë larg janë renditur Mercedesët e Bottasit dhe Hamiltonit, ndërsa edhe më larg “kokëkuqja” tjetër e Vettelit, që e mbylli garimin pas vetëm 4 xhirosh, për shkak të një problemi në kambio.
Megjithatë, Sebastian nuk ka përse të shqetësohet, pasi pjesa e dëmtuar do të zëvendësohet për vazhdimin e fundjavës, pa asnjë penalizim, duke qenë se bëhet fjalë për ndryshimin e një kambioje të përdorur.
Top Channel
